മൂല മന്ത്രങ്ങൾ..... സമ്പാദനം..... രവീന്ദ്രൻ നായർ.

ക്ഷേത്രങ്ങളില്‍ വഴിപാടുകള്‍ ചെയുന്നതു കൊണ്ടുള്ള ഗുണങ്ങള്‍

രവീന്ദ്രന്‍ നായര്‍-ജ്യോതിഷ് അലങ്കാര്‍- 919871690151 Delhi

നമ്മളില്‍ ഭുരീഭാഗം പേരും ക്ഷേത്ര സന്ദര്‍ശനം പതിവയിട്ടില്ലെങ്കിലും സൗകര്യം കിട്ടുമ്പോഴൊക്കെ ചെയ്യാറുണ്ട്. ആ സമയങ്ങളില്‍ നമ്മളൊക്കെ ശക്തിക്കൊത്ത വഴിപാടുകള്‍ ചെയ്യാറുണ്ട്. പക്ഷെ നമ്മളില്‍ ഒരു നല്ല ശതമാനം വരുന്ന ഭൂരീഭാഗത്തിനും ഈ വഴിപാടുകള്‍ കൊണ്ടുള്ള ഫലങ്ങള്‍ എന്തൊക്കെ ആണെന്ന് അറിയാത്തവരാണ്. ഇക്കാര്യങ്ങള്‍ ഞാന്‍ പലയിടത്തു നിന്നും ആയി സമ്പാദിച്ചതാണ്. അതുകൊണ്ട് ഇക്കാര്യങ്ങളുടെ ‘സമ്പാദകന്‍ ‘ആയി മാത്രം നിലക്കൊള്ളാന്‍ ആഗ്രഹിക്കുന്നു.ഇതിന്‍റെ ഫലങ്ങളെ കുറിച്ചുള്ള വിവരങ്ങള്‍ തന്ത്രഗ്രന്ഥങ്ങളിലോ, പുരാണങ്ങളിലോ ഒക്കെ ഉണ്ടായിരിക്കാം. പക്ഷെ, നമ്മുക്ക് പ്രധാനമായി അറിയേണ്ടത് എന്തെന്തു                 “പ്രശ്നങ്ങള്‍ക്ക്” എന്തെന്തു “വഴിപാടുകള്‍” ചെയ്യണം എന്നുള്ളതാണ്.

സാധാരണക്കാരായ നമ്മള്‍ക്ക് ഇതറിഞ്ഞു കഴിഞ്ഞാല്‍ പലപ്പോഴും ഇക്കാര്യങ്ങളുടെ പരിഹാരാര്‍ത്ഥം ജ്യോത്സ്യന്മാരെയും, മന്ത്രവാദികളെയും കാണേണ്ട ആവശ്യം വരികയില്ലല്ലോ?

ആദ്യം ഓരോ തരത്തിലുള്ള പുഷ്പാഞ്ജലികള്‍ ചെയ്യുന്നതുകൊണ്ടുള്ള ഗുണങ്ങള്‍ നോക്കാം.

1.       സാധാരണ പുഷ്പാഞ്ജലി-  ആയുരാരോഗവര്‍ധന

2.       രക്ത പുഷ്പാഞ്ജലി – ശത്രു ദോഷശമനം, അഭീഷ്ടസിദ്ധി

3.       ദേഹ പുഷ്പാഞ്ജലി – ശാരീരിക ക്ലേശ നിവാരണം

4.       സ്വയംവര  പുഷ്പാഞ്ജലി-മംഗല്യസിദ്ധി(വിവാഹ തടസ്സം നീങ്ങി കിട്ടുവാന്‍)

5.       ശത്രു ദോഷ പുഷ്പാഞ്ജലി- ശത്രുക്കള്‍ ചെയ്യുന്ന ദോഷം ഏലക്കില്ല

6.       സഹസ്രനാമ പുഷ്പാഞ്ജലി- ഐശ്വര്യം

7.       ഭാഗ്യസൂക്ത പുഷ്പാഞ്ജലി- ഭാഗ്യലബ്ധി, സമ്പല്‍ സമൃദ്ധി

8.       ഐകമത്യസൂക്ത പുഷ്പാഞ്ജലി- കലഹ നിവൃത്തി, ഗൃഹത്തില്‍ ശാന്തി

9.       പുരുഷസൂക്ത പുഷ്പാഞ്ജലി- മോക്ഷം,  ഇഷ്ടസന്താനം

10.   ആയുര്‍സൂക്ത പുഷ്പാഞ്ജലി- ദീര്‍ഘായുസ്സ്

11.   ശ്രീസൂക്ത പുഷ്പാഞ്ജലി- ശ്രീത്വം വര്‍ദ്ധിക്കും, സമ്പല്‍ സമൃദ്ധി

12.   ശ്രീരുദ്രസൂക്ത പുഷ്പാഞ്ജലി- ദുരിദനാശം, സര്‍വ്വാഭീഷ്ട സിദ്ധി

13.   പഥികൃത് സൂക്ത പുഷ്പാഞ്ജലി- നല്ല ബുദ്ധി, നേര്‍വഴി കാണിക്കാന്‍

14.   സാരസ്വത പുഷ്പാഞ്ജലി- വിദ്യാലാഭം, മുക്താനിവാരണം

15.   ദുരിതഹാരമന്ത്ര പുഷ്പാഞ്ജലി- മുന്‍ ജന്മ പാപ പരിഹാരം

16.   ത്രയ്യംബക പുഷ്പാഞ്ജലി- അഭീഷ്ടസിദ്ധി, യശസ്സ്

17.   സ്വസ്തിസൂക്ത പുഷ്പാഞ്ജലി- മംഗളലബ്ധി

18.   പാശുപത പുഷ്പാഞ്ജലി- നാല്കലീകളുടെ രോഗശമനം

19.   ആരോഗ്യസൂക്ത പുഷ്പാഞ്ജലി- ശാരീരികബലം വര്‍ദ്ധിക്കുന്നു

20.   ബില്വ പാത്രം (കുവള ഇല) പുഷ്പാഞ്ജലി- ശിവ സായൂജ്യം

മേല്‍പ്പറഞ്ഞ എല്ലാ പുഷ്പാഞ്ജലികളും എല്ലാ ക്ഷേത്രങ്ങളിലും ഉണ്ടായിക്കൊള്ളണമെന്നില്ല. ലഭ്യതക്കനുസരിച്ച് ഭക്തര്‍ക്ക്‌ പുഷ്പാഞ്ജലികള്‍ ചെയ്ത് ഫലം നേടാവുന്നതാണ്.

അടുത്തതായി വിവിധ രീതികളിലുള്ള അഭിഷേകം നടത്തിയാല്‍ ഭക്തര്‍ക്ക്‌ ലഭിക്കുന്ന ഗുണങ്ങള്‍ എന്തൊക്കെയാണെന്ന് നോക്കാം. അഭിഷേകം സേവിക്കുന്നത് കൊണ്ടും താഴെ പറയുന്ന ഗുണങ്ങള്‍ കിട്ടുമെന്ന് ആശിക്കാം.

1.       പാലഭിഷേകം- കോപതാപാദികള്‍ മാറി ശാന്തതയുണ്ടാകും

2.       നെയ്യഭിഷേകം- സുരക്ഷിത ജീവിതം, മുക്തി, ഗൃഹം, സന്താന ഭാഗ്യം

3.       പനിനീര്‍ അഭിഷേകം- പേരും പ്രശസ്തിയും, സരസ്വതി കടാക്ഷം

4.       എണ്ണ അഭിഷേകം- ദൈവഭക്തി വര്‍ദ്ധിക്കും, ശാരീരിക സൗഖ്യം

5.       ചന്ദനാഭിഷേകം- പുനര്‍ജന്മം ഇല്ലാതാകും (മോക്ഷം ലഭിക്കും), ധനം വര്‍ദ്ധിക്കും, സ്ഥാന കയറ്റം കിട്ടും

6.       പഞ്ചാമൃത അഭിഷേകം- ദീര്‍ഘായുസ്സ്, മന്ത്രസിദ്ധി, ശരീര പുഷ്ടി

7.       ഇളനീര്‍ അഭിഷേകം- സല്‍ സന്താനങ്ങള്‍ ഉണ്ടാകാന്‍, രാജകീയ പദവി ലഭിക്കുവാന്‍

8.       ഭസ്മാഭിഷേകം- ത്രിവിധലോകങ്ങളിലും നന്മ, ജ്ഞാനം വര്‍ദ്ധിക്കും

9.       പഞ്ചഗവ്യ അഭിഷേകം- പാപങ്ങളില്‍ നിന്ന് നിന്നും മുക്തി, ആത്മീയ പരിശുദ്ധി

10.   തീര്‍ത്ഥാഭിഷേകം- മനശുദ്ധി, ദുര്‍വിചാരങ്ങള്‍ മാറും

11.   തേനഭിഷേകം- മധുരമായ ശബ്ദമുണ്ടാകും

12.   വാക ചാര്‍ത്തഭിഷേകം- മാലിന്യങ്ങള്‍ നീങ്ങി പരിശുദ്ധി ലഭിക്കുന്നു

13.   നെല്ലിക്കാപ്പൊടി അഭിഷേകം- അസുഖ നിവാരണം

14.   മഞ്ഞള്‍പ്പൊടി അഭിഷേകം- ഗൃഹത്തില്‍ സുഭിക്ഷത, വശീകരണം, തിന്മകള്‍ അകലും

15.   കരിമ്പ്‌, ശര്‍ക്കര അഭിഷേകം- ഭാവിയെ കുറിച്ച് അറിയാന്‍ കഴിയും, ശത്രു വിജയം നേടും

16.   പച്ചകര്‍പ്പൂരാഭിഷേകം- ഭയ നാശ പരിഹാരം

17.   ചെറുനാരങ്ങ അഭിഷേകം- യമഭയം അകലുന്നു

18.   പഴച്ചാര്‍ (ജ്യൂസ്‌) അഭിഷേകം- ജനങ്ങള്‍ സ്നേഹിക്കും, കര്ഷികാഭിവൃദ്ധി

19.   തൈരഭിഷേകം- മാതൃഗുണം, സന്താനലബ്ധി

20.   വലംപിരി ശംഖാഭിഷേകം- ഐശ്വര്യാസിദ്ധി

21.   സ്വര്‍ണ്ണാഭിഷേകം- ധനലാഭം

22.   സഹസ്രധാരാഭിഷേകം- ആയൂര്‍ലാഭം

23.   കലശാഭിഷേകം- ഉദ്ദിഷ്ട കാര്യസിദ്ധി

24.   നവാഭിഷേകം- രോഗശാന്തി,സമ്പല്‍സമൃദ്ധി

25.   മാമ്പഴാഭിഷേകം- സര്‍വ്വ വിജയം

26.   ഗോരോചനാഭിഷേകം- ദീര്‍ഘയുസ്സ്

27.   കസ്തുരി അഭിഷേകം- വിജയം

28.   അന്നാഭിഷേകം- ആരോഗ്യം, ആയൂര്‍ വര്‍ദ്ധന

മേല്‍പ്പറഞ്ഞവയില്‍ പല അഭിഷേകങ്ങളെപ്പറ്റിയും നമ്മള്‍ ഒരുപക്ഷെ കേട്ടു കാണില്ല. പക്ഷെ കേരളത്തില്‍ അങ്ങോളമിങ്ങോളം (തിരുവനന്തപുരം മുതല്‍ കാസര്‍കോട് വരെ) ഉള്ള ക്ഷേത്രങ്ങളില്‍ നടത്തുന്ന അഭിഷേകത്തെ കുറിച്ച് നമുക്ക് പൂര്‍ണ്ണമായും അറിയാത്തതുകൊണ്ട് മേല്‍പ്പറഞ്ഞ അഭിഷേകങ്ങള്‍ പലസ്ഥലങ്ങളിലും ഉണ്ടായിരിക്കും എന്നു വേണം അനുമാനിക്കാന്‍.

  അടുത്തതായി തുലാഭാരങ്ങള്‍ കൊണ്ടുള്ള ഗുണങ്ങള്‍ നോക്കാം.

1.       പഞ്ചസാര തുലാഭാരം (വലിയവര്‍ക്കു വേണ്ടി) – പ്രമേഹരോഗ ശമനം

2.       കദളിപ്പഴം തുലാഭാരം- രോഗ വിമുക്തി

3.       ശര്‍ക്കര തുലാഭാരം- ഉദര രോഗ ശമനം

4.       ഇളനീര്‍ തുലാഭാരം- മൂത്രരോഗ ശമനം

5.       കയറ് തുലാഭാരം- കാസരോഗ വിമുക്തി

6.       വെള്ളം തുലാഭാരം- നീര്‍ രോഗ ശമനം

7.       പൂവന്‍പഴം തുലാഭാരം- വാത രോഗ ശമനം

8.       കുരുമുളക് തുലാഭാരം- വസൂരി രോഗം, ചിക്കന്‍ പോക്സ് എന്നിവ ശമിക്കാന്‍

9.       ചേന തുലാഭാരം- ചര്‍മ്മ രോഗ ശമനം

10.   ഉപ്പ് തുലാഭാരം- വിശപ്പില്ലായ്മ നിവാരണം

കുഞ്ഞുങ്ങള്‍ക്കു വേണ്ടി തുലാഭാരം നടത്തുമ്പോള്‍ പ്രത്യേകിച്ച് നോകേണ്ടതില്ല. നേര്‍ച്ചക്കനുസരിച്ച് ചെയ്യാവുന്നതാണ്.

 പ്രത്യേക രീതികളില്‍ വിളക്ക് വഴിപാടുകള്‍കൊണ്ടുള്ള ഗുണങ്ങള്‍  എന്തൊക്കെയാണെന്ന് നോക്കാം.

1.       വിളക്ക് വഴിപാട്- ദുഃഖ നിവാരണം

2.       പിന്‍വിളക്ക്- മംഗല്യസിദ്ധി, ദാമ്പത്യ ദൃഡത

3.       കെടാവിളക്ക്- മഹാവ്യാധിയില്‍ നിന്നും മോചനം

4.       നെയ്യ് വിളക്ക്- നേത്ര രോഗ ശമനം

5.       ചുറ്റു വിളക്ക്- മനശ്ശാന്തി, പാപമോചനം, യശസ്സ്

6.       നാരങ്ങ വിളക്ക്- രാഹു ദോഷ നിവാരണം, വിവാഹ തടസ്സം നിങ്ങും

7.       ആല്‍ വിളക്ക്- ഉദ്ദിഷ്ട കാര്യസിദ്ധി

8.       മാല- മനസ്സമാധാനം

9.       കൂവള മാല വഴിപാട്(ശിവന്)- മൂന്ന് ജന്മങ്ങളിലെ പാപങ്ങള്‍ നശിക്കുന്നു, മനസ്സിന്‍റെ ദൃഡത, ശിവ സായൂജ്യം

10.   നിറമാല- അബീഷ്ട്ട സിദ്ധി

11.   ഗണപതി ഹോമം- വിഘ്നങ്ങള്‍ മാറി ലക്ഷ്യം കൈവരിക്കും

12.   കറുക ഹോമം- ബാലാരിഷ്ട മുക്തി, രോഗ ശമനം

13.   മൃത്യുഞ്ജയ ഹോമം- കഠിനരോഗ നിവാരണം, പാപമോചനം

14.   തിലഹോമം- പ്രേതോപഭൂവങ്ങളില്‍ നിന്നും ശാന്തി

15.   കാളികഹോമം- ശത്രുദോഷ ശമനം

16.   ലക്ഷ്മി ഹോമം- ധനാഭിവൃദ്ധി

17.   ചയോദ്രൂമ ഹോമം- രോഗ ശാന്തി

18.   ഐക്യമത്യ ഹോമം- കുടുംബ ഭദ്രത, മത്സരം ഒഴിവാക്കാന്‍

19.   സുദര്‍ശന ഹോമം- രോഗ ശാന്തി

20.   അഘോര ഹോമം- ആഭിചാരബാധ, ശത്രുദോഷം എന്നിവയുടെ നിവാരണം

21.   ആയില്യ പൂജ- ത്വക് രോഗ ശമനം, സര്‍പ്പ പ്രീതി, സര്‍പ്പ ദോഷം നീങ്ങല്‍

22.   ഉമാമഹേശ്വര പൂജ- മംഗല്യ തടസ്സം ഒഴിവാക്കാന്‍

23.   ലക്ഷ്മി നാരായണ പൂജ- ദുരിതനിവാരണം, ശത്രു നിവാരണം

24.   നൂറും പാലും- രാഹു ദോഷം, സന്താനലാഭം, രോഗ ശാന്തി, ധീര്‍ഘയുസ്സ്

25.   ഭഗവതി സേവ- ദുരിതനിവാരണം, ആപത്തുകളില്‍ നിന്നും മോചനം

26.   ബ്രഹ്മരക്ഷസ്സ് പൂജ- സ്ഥലദോഷം, നാല്ക്കാലി രക്ഷ

27.   നിത്യ പൂജ- സര്‍വ്വവിധ ഐശ്വര്യം

28.   ഉദയാസ്തമന പൂജ- ദീര്‍ഘായുസ്സ്, ശത്രുദോഷ നിവാരണം, സര്‍വ്വഐശ്വര്യം

29.   ഉഷ പൂജ- രോഗ ശാന്തി, ഗൃഹ-ദ്രവ്യ ലാഭം, മനസമാധാനം

30.   അത്തഴാപൂജ- ആയൂരാരോഗ്യസൗഖ്യം

31.   ഒറ്റപ്പം (ഗണപതി)- തടസ്സങ്ങള്‍ മാറും, വിദ്യാഗുണം, ആരോഗ്യ ദൃഡത

32.   കദളിപ്പഴം നിവേദ്യം- ജ്ഞാനലബ്ധി

33.   വെണ്ണ നിവേദ്യം- ദാരിദ്ര്യം നീങ്ങും

34.   വെള്ള നിവേദ്യം- ദാരിദ്ര്യം നീങ്ങും, വയറു നിറയെ ഭക്ഷണം കഴിക്കും (അത്തരം രോഗമുണ്ടെങ്കില്‍ മാറുമെന്നര്‍ത്ഥം)

35.   അവില്‍ നിവേദ്യം- ദാരിദ്ര്യനിര്‍മാജനം

36.   പഞ്ചാമൃതം- ദേവാനുഗ്രഹം

37.   ചന്ദനം ചാര്‍ത്ത്- ഉഷ്ണ രോഗ ശമനം, ചര്‍മ്മ രോഗം മാറും

38.   ദേവിക്ക് മുഴുക്കാപ്പ്- പ്രശസ്തി. ദീര്‍ഘായുസ്സ്

39.   ഗണപതിക്ക് മുഴുക്കാപ്പ്- കാര്യ തടസ്സം മാറി കിട്ടും

40.   ശിവന് മുഴുക്കാപ്പ്- രോഗ ശാന്തി, ദീര്‍ഘായുസ്സ്

41.   കാവടിയാട്ടം വഴിപാട്- ഐശ്വര്യലബ്ധി

42.   മുട്ടറൂക്കല്‍ വഴിപാട്- തടസ്സങ്ങള്‍ നീങ്ങും

43.   താലി ചാര്‍ത്തല്‍ വഴിപാട്- മംഗല്യ ഭാഗ്യം

44.   നീരാജനം- മനസ്വസ്ഥത, ശനിദോഷ നിവാരണം, രോഗമുക്തി

45.   വെടി വഴിപാട്- നഷ്ട്ടപ്പെട്ട ദ്രവ്യം കണ്ടുകിട്ടും, കാര്യസാധ്യം

46.   പായസം വഴിപാട്- ധനധാന്യ വര്‍ദ്ധന

47.   തണ്ണിരാമൃതം വഴിപാട്- രോഗശാന്തി, അഭിഷ്ട ശാന്തി

 

മേല്‍പ്പറഞ്ഞിട്ടുള്ള ചില വഴിപാടുകള്‍ ദേവി ക്ഷേത്രങ്ങളില്‍ മാത്രമായിരിക്കും നടത്തുക. മറ്റുള്ളവ ദേവന്മാരുടെ ക്ഷേത്രത്തിലും ഉണ്ടായിരിക്കും.ഓരോ ക്ഷേത്രത്തിലെയും വഴിപാടുകള്‍ നിശ്ചയിക്കുന്നത് പ്രതിഷ്ഠ സമയത്ത് തന്ത്രി മുഖ്യരായിരിക്കും.

 

ഇനി  ഇതില്‍ ഒന്നും പെടാത്ത മറ്റു ചില വഴിപാടുകളെ കുറിച്ച് നോക്കാം .

 

1.       അപസ്മാരം മാറാന്‍ വഴിപാട്- പൂതന്‍ കെട്ടുക

2.       ശ്വാസരോഗത്തിനുള്ള വഴിപാട്- പൂമൂടല്‍

3.       വിഷബാധ മാറാന്‍- കാളിയമര്‍ദ്ദനം കൃഷ്ണാട്ടന്‍ കളി

4.       ഓര്‍മ്മ പിശക് (ഓര്‍മ്മ കുറവ്) മാറാന്‍- സരസ്വതഘൃതം (നെയ്യ്) സേവിക്കുക

5.       നടക്കുവാനുള്ള (കാലിന്‍റെ രോഗങ്ങള്‍) പ്രയാസം മാറാന്‍- പഴനിക്ക് കാവിയെടുത്ത് മലകയറുക, ശബരിമലക്കും പോകാറുണ്ട്

6.       ശിരോരോഗത്തിന് വഴിപാട്- ഗണപതിക്ക്‌ തേങ്ങ ഉടക്കല്‍

7.       പരിഭ്രാന്തിയും അസ്വസ്ഥതയും മാറാന്‍- ചണഡിക ഹോമം

8.       രോഗവിമുക്തി- ആള്‍രൂപം സമര്‍പ്പിക്കല്‍(ഗുരുവായൂരില്‍ പ്രാര്‍ത്ഥിച്ച്)

9.       കണ്ണുദോഷം/നാവുദോഷം മാറാന്‍- പുള്ളുവന്‍ പാട്ട്

10.    ആലസ്യം മാറി സമര്‍ത്ഥനാവാന്‍- കുന്നിക്കുരു വാരല്‍(ഗുരുവായൂര്‍)

11.    മാറാത്ത മഹാരോഗങ്ങള്‍ മാറാന്‍- ദേവി ക്ഷേത്രങ്ങളില്‍ പാവക്കുത്ത്

12.    ത്വക് രോഗം മാറാന്‍- ചേന സമര്‍പ്പണം/തുലാഭാരം

13.    മാനസികരോഗം മാറാന്‍- പള്ളി വേട്ടയില്‍ പന്നി, പക്ഷി എന്നിവയുടെ വേഷം കെട്ടല്‍

14.    സംസാരശക്തി കൈവരിക്കാന്‍- ശബരിമല കയറ്റം

15.    പല്ല്വേദന മാറാന്‍- ആനയ്ക്ക് നാളികേരം കൊടുക്കുക

16.    സന്താനഭാഗ്യം, സുഖപ്രസവം- പുള്ളുവക്കുടം നിറയ്ക്കല്‍

17.    ആരോഗ്യം തിരിച്ചു കിട്ടാന്‍- ശയനപ്രദക്ഷിണം (ഗുരുവായൂര്‍)

18.    കാലിലെ ആണി രോഗം മാറാന്‍- ഇരുനിലംകോട്ട് ക്ഷേത്രത്തില്‍ പപ്പടം കാച്ചി ചവിട്ടല്‍

19.    ബുദ്ധി തെളിയുവാന്‍- ദക്ഷിണമൂര്‍ത്തിക്ക് നെയ്‌വിളക്ക്

20.    സമയദോഷവും തടസ്സവും നീക്കാന്‍- മുട്ടറുക്കല്‍

21.    സത് സന്താനലബ്ധിക്ക്‌- മണ്ണാറശാലയില്‍ ഉരുളി കമിഴ്ത്തുക

22.    ശ്വാസം മുട്ടിന്- ശംഖാഭിഷേകം

23.    വയറുവേദനമാറാന്‍- നെല്ലുവായ ധന്യന്തരിക്ഷേത്രത്തിലെ മുക്കുടി നിവേദ്യം സേവിക്കുക

24.    ശ്വാസകോശ രോഗത്തിന്- തൃപ്രയാറില്‍ മീന്നുട്ട് നടത്തുക

25.    ശനിദോഷം മാറാന്‍- ശാസ്താവിന് എള്ളുതിരി, നീരാഞജനം

26.    അരിമ്പാറകള്‍ മാറാന്‍- കുളത്തുപ്പുഴ ധര്‍മ്മശാസ്താ ക്ഷേത്രത്തില്‍ മീനൂട്ട്

27.    ശത്രുദോഷം മാറാന്‍- പൈങ്കുളം വാഴാലിക്കാവ് ക്ഷേത്രത്തില്‍ ദിനവും നടക്കുന്ന ദാരികവധംപ്പാട്ട് വഴിപാട് നേരുക

28.    അപസ്മാര ചികിത്സ- ചോറ്റാനിക്കര ക്ഷേത്രത്തില്‍ പോയാല്‍ അറിയാം

29.    വായുക്ഷോഭം (Gastrouble) മനോവിഭ്രാന്തി (Mental Depression)  എന്നീ രോഗം മാറാന്‍- മുരുത്തോര്‍ വട്ടം ധന്വന്തരി ക്ഷേത്രത്തിലെ താളുകറി നിവേദ്യം

30.    കൈവിഷപരിഹാരം- ചേര്‍ത്തല തിരുവിഴ മഹാദേവക്ഷേത്രത്തിലെ പച്ചമരുന്ന്‍

31.    ശ്വാസം മുട്ട്, വയറുവേദന എന്നിവയ്ക്ക്- നെല്ലുവായ് ധന്വന്തരി ക്ഷേത്രത്തിലെ മുക്കുടി നിവേദ്യം

32.    വാതം, ത്വക്ക് രോഗങ്ങള്‍ ഇവയ്ക്ക് ശമനം- തകഴി ധര്‍മ്മശാസ്താ ക്ഷേത്രത്തിലെ എണ്ണ നിവേദ്യം

33.    ശിരോരോഗത്തിന് പരിഹാരം- ഗുരുവായൂരില്‍ കളഭം ചാര്‍ത്തല്‍

34.    വായുദോഷത്തിനു പരിഹാരം- കാടാമ്പുഴയില്‍ ‘വായുമുട്ട്’

35.    സര്‍വ്വരോഗ സംഹാരം- മൂകാംബികയിലെ ‘കഷായ തീര്‍ത്ഥം’

36.    വാത രോഗത്തിന്- ഗുരുവായൂര്‍ ഭജനം (എല്ലാ രോഗങ്ങള്‍ക്കും)

37.    രോഗശാന്തിക്ക് പരിഹാരം- തളിപ്പറമ്പ് കാഞ്ഞിരങ്ങാട്ട് വൈദ്യനാഥ ക്ഷേത്രം

38.    ആയൂര്‍ ദോഷശാന്തി- തിരുന്നാവായ തൃപ്രങ്ങോട്ട് ശിവക്ഷേത്രം

39.    മംഗല്യ സിദ്ധി- തിരുവൈരാണിക്കുളം ക്ഷേത്രം, തിരുമണ്ഡാംകുന്ന് പൂമൂടല്‍

40.    അന്നദാരിദ്ര്യം നിവര്‍ത്തി (ഉദരരോഗങ്ങള്‍)- ചെറുകുന്ന് അന്നപൂര്ണ്ണ്‍ശ്വരി ക്ഷേത്രം (കണ്ണൂര്‍)

41.    ഉദ്ദിഷ്ട കാര്യസിദ്ധി- മുള്ളുര്‍ക്കര (തൃശൂര്‍ ജില്ല) അഞ്ചുമൂര്‍ത്തി വിഷ്ണു ക്ഷേത്രം

 

അതിനു ശേഷം ചില വ്രതങ്ങള്‍ നോല്കുന്നത് കൊണ്ടുള്ള ഫലങ്ങള്‍ നോക്കാം.  

 

1.       ഏകാദശി വ്രതം- പാപശാന്തി

2.       ശിവരാത്രി വ്രതം- സകലവിധ പാപമോചനം

3.       പ്രദോഷവ്രതം- ശത്രു നാശം

4.       നവരാത്രി വ്രതം- ഭൌതികവും ആത്മീയവുമായ ശ്രേയസ്സ്

5.       ഷഷ്ടി വ്രതം- സന്താന സൗഖ്യം, ത്വക്ക് രോഗ ശാന്തി

6.       തിരുവാതിര വ്രതം- ദീര്‍ഘമംഗല്യം

7.       അമാവാസി വ്രതം- വംശാഭിവൃദ്ധി, ആരോഗ്യം, സമ്പത്ത്

8.       പൌര്‍ണ്ണമി വ്രതം- മനോബലം, ഐശ്വര്യം

9.       ശ്രീരാമനവമി വ്രതം- സര്‍വ്വപാപഹരണം, അഭീഷ്ടസിദ്ധി

10.    വിനായക ചതുര്‍ത്ഥി വ്രതം- സര്‍വ്വവിഘ്ന നിവാരണം

11.    നാഗ പഞ്ചമി- സര്‍പ്പദോഷം മാറാന്‍

12.    വൈശാഖമാസ വ്രതം- സര്‍വ്വപാപനിവാരണം

13.    അക്ഷയതൃതീയ- ക്ഷയിക്കാത്ത പുണ്യം കിട്ടും

14.    ചാതുര്‍മാസ്യ വ്രതം- എല്ലാ അഭിലാഷങ്ങളും പൂര്‍ത്തീകരിക്കും

15.    ശ്രീകൃഷ്ണ ജന്മാഷ്ടമി വ്രതം- ജന്മാന്തര പാപങ്ങളില്‍ നിന്നും മോചനം

16.    മഹാലക്ഷ്മി വ്രതം- ധനസമൃദ്ധി

17.    മണ്ഡലകാല വ്രതം- മനസ്സിന്‍റെയും ശരീരത്തിന്‍റെയും ആത്മസായൂജ്യം

18.    ഞായറാഴ്ച വ്രതം- ചര്‍മ്മരോഗം, കാഴ്ചശക്തി

19.    തിങ്കളാഴ്ച വ്രതം- ദീര്‍ഘദാമ്പത്യം, നല്ല ഭര്‍ത്താവ്, മനശാന്തി, പുത്രലാഭം

20.    ചൊവ്വാഴ്ച വ്രതം- ഋണമോചനം, വിവാഹതടസ്സം മാറാന്‍, ജ്ഞാനം വര്‍ദ്ധിക്കാന്‍

21.    ബുധനാഴ്ച വ്രതം- വിദ്യക്കും, വ്യാപാരത്തിനും ഉത്തമം, തടസ്സങ്ങള്‍ നീങ്ങും

22.    വ്യാഴാഴ്ച വ്രതം- വിവാഹ വിഘ്നം നീങ്ങും, വിദ്യ, പരീക്ഷ ഇവകളില്‍ സാഫല്യം

23.    വെള്ളിയാഴ്ച വ്രതം- ആഗ്രഹസാഫല്യം, ദാമ്പത്യസുഖം

24.    ശനിയാഴ്ച വ്രതം- ശനിദോഷ പരിഹാരം, ദുരിതങ്ങള്‍ മാറും

25.    ചൈത്രമാസ വ്രതം- ഐശ്വര്യം, സന്താനാസമ്പദസമൃദ്ധി

26.    വൈശാഖമാസ വ്രതം- കുടുംബത്തിലെ നേതാവും നാഥനുമായി പെരുമ നേടും

27.    ജ്യേഷ്ഠമാസ വ്രതം- സ്ത്രീസുഖത്തിന് കളമൊരുക്കും

28.    ശ്രാവണമാസ വ്രതം- വിദ്യ കരഗതമാകും

29.    ആഷാഡമാസത്തിലെ വ്രതം- ധനലഭ്യത

30.    ഭാദ്രമാസ വ്രതം- ആരോഗ്യവും, ഐശ്വര്യവും

31.    ആശ്വിനമാസ വ്രതം- ശത്രു ജയം

32.    കാര്‍ത്തികമാസ വ്രതം- ആഗ്രഹപ്രാപ്തി കൈ വരുന്നു

33.    ആഗ്രഹായണ മാസ വ്രതം- സകലവിധ നന്മകളും ലഭിക്കുന്നു

34.    പൌഷമാസ വ്രതം- ഉയര്‍ന്ന പദവികള്‍ കിട്ടും

35.    മാഘമാസ വ്രതം- സമ്പത്തുവര്‍ധന

36.    ഫാല്‍ഗുനമാസ വ്രതം- സകലവിധ സ്നേഹാദരങ്ങളും കിട്ടും

 

മേല്‍പ്പറഞ്ഞ വ്രതങ്ങളിലെ മാസങ്ങളുടെ പെരുചെര്‍ത്ത് വ്രതങ്ങള്‍ പ്രത്യേകിച്ചും നമ്മള്‍ തെക്കേ ഇന്ത്യക്കാര്‍ എടുക്കാറില്ല. അത് വടക്കെ ഇന്ത്യയിലെ ഹിന്ദുക്കള്‍ നോല്‍ക്കുന്ന വ്രതങ്ങളാണ്. എങ്കിലും വ്രതങ്ങളുടെ ലിസ്റ്റില്‍ കൊടുത്തു എന്നു മാത്രം.

ഇതില്‍ ഒന്നും പെടാത്ത ചില വഴിപാടുകളെ കുറിച്ച് ആണ് ഇനി പ്രതിപാദിക്കാന്‍ പോകുന്നത്.

                                                

1.       അന്നദാനം- ദാരിദ്ര്യവും കടവും മാറും

2.       വസ്ത്രദാനം- ആയുര്‍വര്‍ദ്ധന

3.       അരിദാനം- പാപവിമോചനം

4.       പാല്‍ദാനം- ദുഃഖങ്ങള്‍ തീരും

5.       തിലദാനം- ശക്തിവര്‍ദ്ധനം

6.       നെയ്യ്ദാനം- രോഗശമനം

7.       സ്വര്‍ണ്ണ ദാനം- കുടുംബദോഷം മാറികിട്ടും

8.       വെള്ളിദാനം- സൌന്ദര്യം, വിദ്യാവര്‍ദ്ധനവ്‌

9.       ദീപദാനം- കാഴ്ചശക്തി വര്‍ദ്ധിക്കും

10.    ഗോദാനം- പിതൃക്കള്‍, ദൈവം, ഋഷിമാര്‍ എന്നിവരോടുള്ള കടം വീട്ടാന്‍

11.    ഭൂമീദാനം- ഭൂഭരണം, അഭീഷ്ടസിദ്ധി

12.    ധാന്യങ്ങള്‍ ദാനം- ശാശ്വതസുഖം, ധനസമൃദ്ധി

13.    അശ്വദാനം- അശ്വവിലോകപ്രാപ്തി

14.    കാളയെ ദാനം ചെയ്താല്‍- സൂര്യലോകപ്രാപ്തി

 

 

 

 

ഇനി ചില മന്ത്രജപങ്ങള്‍ കൊണ്ടുള്ള നേട്ടങ്ങള്‍  നോക്കാം

 

1.       മൃത്യുഞജയ മന്ത്രം-  ധീരഘായുസ്സ്, ആരോഗ്യ വര്‍ദ്ധനവ്‌

2.       മഹാസുദര്‍ശനമന്ത്രം- ദുരിതങ്ങള്‍ നീങ്ങി ഐശ്വര്യവര്‍ദ്ധനവ്‌

3.       രാജഗോപാലമന്ത്രം- ധനസമൃദ്ധി

4.       ദ്വാദശാക്ഷരി മന്ത്രം- അഭീഷ്ടസിദ്ധി, ധനസമൃദ്ധി

5.       ശൈവപഞ്ചാക്ഷമന്ത്രം- പാപമുക്തി നേടുന്നതിന്

6.       മൃതസഞ്ജീവനി മന്ത്രം- രോഗശമനം

7.       തൃക്ഷരിമന്ത്രം- വാഗ്മിയാകുന്നതിന്

8.       ഗോപാലമന്ത്രം- സര്‍വ്വഅഭീഷ്ടസിദ്ധി

9.       രക്തേശ്വരി മന്ത്രം- ശത്രുപീഡകള്‍

10.    സ്വയംവരമന്ത്രം- സര്‍വ്വവശ്യം, കാര്യസിദ്ധി, വിവാഹതടസ്സം

11.    നീലകണ്ഠതൃക്ഷരീമന്ത്രം- സര്‍പ്പദോഷം മാറാന്‍

12.    ഗരുഡമന്ത്രം- സര്‍പ്പഭയം ഇല്ലാതാകും

13.    വിദ്യാഗോപാലമന്ത്രം- ബുദ്ധിവര്‍ദ്ധനവ്‌

14.    ഗണേശ്വര മന്ത്രഷ്ടകം- കാര്യതടസ്സം, ദാരിദ്ര്യം ഇവ മാറും

15.    ഹംസവാഹിനി മന്ത്രം- അലസതമാറി ബുദ്ധി വര്‍ദ്ധിക്കും

16.    കാളീമന്ത്രം- സര്‍വ്വഐശ്വര്യങ്ങള്‍ വര്‍ദ്ധിക്കും

17.    ഭുവനേശ്വരീ മന്ത്രം- പാണ്ഡിത്യം നേടുവാന്‍

18.    സുരനായിക മന്ത്രം- ഓര്‍മ്മശക്തി കൂടാന്‍

19.    നരസിംഹമന്ത്രം-  ശത്രുനാശം, മരണഭയം മാറാന്‍

20.    ദുര്‍ഗ്ഗാമന്ത്രം- രോഗശാന്തി, ഭയംമാറാന്‍

21.    വനദുര്‍ഗ്ഗാമന്ത്രം- ക്ഷുദ്ര ദോഷങ്ങള്‍ അകലുവാന്‍

22.    മഹാവിഷ്ണുമന്ത്രം- ഭക്തിവര്‍ദ്ധന, പുരുഷാര്‍ത്ഥസിദ്ധി

23.    മഹാലക്ഷ്മി മന്ത്രം- ഐശ്വര്യാപ്രാപ്തി

24.    ദക്ഷിണമൂര്‍ത്തി മന്ത്രം- ഗൃഹശാന്തി ലഭിക്കാന്‍

25.    ധന്വന്തരി മന്ത്രം- രോഗശാന്തി

26.    സുബ്രഹ്മണ്യമന്ത്രം- കുടുംബത്തില്‍ അനിഷ്‌ട സംഭവങ്ങള്‍ മാറാന്‍

27.    ശാസ്താമന്ത്രം- അഭീഷ്ടസിദ്ധി

28.    ഗണേശഗായത്രി- സര്‍വ്വവിഘ്നനിവാരണം

29.    സരസ്വതി ഗായത്രി- വിദ്യാപ്രാപ്തി, ജ്ഞാന ശക്തി

30.    ശാസ്താഗായത്രി- ശനിദോഷങ്ങളെ ഇല്ലാതാക്കും

31.    വിഷ്ണുഗായത്രി- ഐശ്വര്യം, കുടുംബഭദ്രത

32.    ശിവഗായത്രി- സമാധാനം, ധനവര്‍ദ്ധനവ്‌

33.    ഭദ്രകാളി ഗായത്രി- ദുഷ്ടശക്തി നിവാരണം

34.    ദുര്‍ഗ്ഗാഗായത്രി- ശത്രുജയം

35.    മഹാലക്ഷ്മി ഗായത്രി- മംഗളം ഭവിക്കാന്‍, സൌഖ്യപ്രദാനം

36.    ശ്രീപാര്‍വ്വതി ഗായത്രി- ദാമ്പത്യബന്ധം സുഖകരമാക്കാന്‍

37.    രാധാഗായത്രി- പ്രേമലബ്ധി, ആത്മഭക്തിപ്രദാനം

38.    സീതാഗായത്രി- ക്ഷമ കൈവരാന്‍

39.    പ്രിത്വിഗായത്രി- കാര്യങ്ങളില്‍ സ്ഥിരത വരുത്താന്‍

40.    ശ്രീകൃഷ്ണഗായത്രി- കര്‍മ്മപുരോഗതി

41.    ശ്രീരാമഗായത്രി- സത്കീര്‍ത്തി

42.    ഹനുമത് ഗായത്രി- പ്രവൃത്തികള്‍ സുഗമമാക്കാന്‍

43.    സൂര്യഗായത്രി- രോഗങ്ങളില്‍ നിന്നും മുക്തി

44.    ദക്ഷിണാമൂര്‍ത്തി ഗായത്രി- അന്തര്‍മുഖമായ ജ്ഞാനം ലഭിക്കും

45.    ധന്വന്തരിഗായത്രി-  ഔഷദ പ്രയോഗ ഫല പ്രാപ്തി

46.    നരസിംഹ ഗായത്രി- ശത്രുദോഷശാന്തി, കടങ്ങള്‍ മാറി കിട്ടാന്‍

47.    ലളിതഗായത്രി- മനോമാലിന്യ നിവാരണം

48.    ശങ്കരനാരായണ ഗായത്രി- സമാധാനം, കുടുംബഭദ്രത

49.    ബ്രഹ്മഗായത്രി- ഉല്‍പ്പാദനവര്‍ദ്ധന

50.    കാമദേവഗായത്രി- ലൈംഗിക സംതൃപ്തി, ശക്തി

51.    ഇന്ദ്രഗായത്രി- അപകടങ്ങളില്‍ നിന്നും രക്ഷ

52.    ഹയഗ്രീവഗായത്രി- ഭയങ്ങളില്‍ നിന്നുള്ള മോചനം

53.    യമഗായത്രി- മരണഭയം ഇല്ലാതാക്കാന്‍

മേല്‍പ്പറഞ്ഞ മന്ത്രങ്ങളെക്കൊണ്ടുള്ള ഗുണങ്ങള്‍ ആണ് കൊടുത്തിരിക്കുന്നത്. ഓരോരുത്തര്‍ക്കും ഓരോ അവസരത്തിലും ആവശ്യാനുസരണം മന്ത്രങ്ങള്‍ ഇന്റര്‍നെറ്റില്‍ നിന്ന് ലഭിക്കുന്നതാണ്. ആ മന്ത്രം ഉപയോഗിച്ച് പരിഹാരങ്ങള്‍ തേടാവുന്നതാണ്.

 

ഇനി നമുക്ക് നിറപറകള്‍ ദേവസന്നിധിയില്‍ വെക്കുന്നത് കൊണ്ടുള്ള ഗുണങ്ങള്‍ എന്തൊക്കെയാണെന്നു നോക്കാം.

ദേവസന്നിധിയില്‍ ഓരോരോ ദ്രവ്യങ്ങള്‍ കൊണ്ട് പറകള്‍ വെച്ചാലുള്ള ഗുണങ്ങളാണ് താഴെപ്പാറയുന്നത്

 

1.       നെല്‍പറ- കുടുംബഐശ്വര്യം

2.       അവില്‍പറ- ദാരിദ്ര്യശമനം

3.       മലര്‍പറ- രോഗശാന്തി

4.       ശര്‍ക്കരപറ- ശത്രുദോഷം

5.       നാളികേരപറ- കാര്യതടസ്സം

6.       പുഷ്പം കൊണ്ടുള്ള പറ- മാനസിക ദുരിതങ്ങള്‍

7.       പഴം കൊണ്ടുള്ള പറ- കാര്‍ഷിക അഭിവൃദ്ധി

8.       മഞ്ഞള്‍പ്പറ - മംഗല്യഭാഗ്യം

9.       എള്ള് പറ- രാജദോഷം നീങ്ങും

10.    നാണയപ്പറ- ധനസമൃദ്ധി

പലപ്പോഴും ദേവസന്നിധികളില്‍ പലരും  അഞ്ചു പറ വെയ്ക്കാറുണ്ട്. മേല്‍പ്പറഞ്ഞവയില്‍ അഞ്ചു ദ്രവ്യങ്ങള്‍ കൊണ്ട് ഒരേസമയത്ത് അഞ്ചു അഞ്ചു പറകളില്‍ നിറയ്ക്കുന്ന രീതിയാണിത്‌. ഇതിനാല്‍ എല്ലാ ഫലങ്ങളും ഒരുമിച്ചു ലഭിക്കുന്നതിനു ഉള്ള സാധ്യതകള്‍ വളരെയേറെയായിരിക്കും.

അരയാല്‍ പ്രദക്ഷിണം വച്ചാലുള്ള ഗുണങ്ങള്‍

1.       സോമവാര .അമാവാസി ദിവസം അരയാലിനെ 3 പ്രദക്ഷിണം വച്ചാല്‍- ഉദ്ദിഷ്ടകാര്യ സിദ്ധി

2.       അഞ്ചുപ്രദക്ഷിണം വച്ചാല്‍- കര്‍മ്മങ്ങളില്‍ ഉന്നത വിജയം

3.       ഏഴു പ്രദക്ഷിണം വച്ചാല്‍- രാജകീയ പ്രൌഡ ജീവിതം

4.       ഒമ്പത് പ്രദക്ഷിണം വച്ചാല്‍- ഉത്തമ സന്താന ഗുണം

5.       പതിനൊന്ന് പ്രദക്ഷിണം വച്ചാല്‍- ആയൂര്‍വര്‍ധന

6.       പതിമൂന്ന് പ്രദക്ഷിണം വച്ചാല്‍- ധനാഭിവൃദ്ധി

7.       പതിനഞ്ചു പ്രദക്ഷിണം വച്ചാല്‍- സുഖഭോഗലഭ്യത

8.       നൂറ്റിഎട്ട് പ്രദക്ഷിണം വച്ചാല്‍- അശ്വമേധയാഗം നടത്തിയ ഫലം

9.       ഞായറാഴ്ച അരയാല്‍ പ്രദക്ഷിണം വച്ചാല്‍- രോഗശാന്തി

10.    തിങ്കളാഴ്ച- മംഗല്യഭാഗ്യം

11.    ചൊവ്വാഴ്ച- സമസ്തജീവിത വിജയം

12.    ബുധനാഴ്ച- വ്യാപാരലാഭം

13.    വ്യാഴാഴ്ച- വിദ്യാവിജയം

14.    വെള്ളിയാഴ്ച- സകലവിധ ഐശ്വര്യം

15.    ശനിയാഴ്ച- ദുഃഖങ്ങള്‍ മാറി കിട്ടും

16.    അമാവാസി ദിവസം- സകല ദേവതാനുഗൃഹം

 

വിവിധ മുഖങ്ങളിലുള്ള രുദ്രാക്ഷങ്ങള്‍ ധരിക്കുന്നത് കൊണ്ടുള്ള ഗുണങ്ങള്‍ എന്തൊക്കെയാണെന്ന് നോക്കാം

1.          ഒറ്റമുഖമുള്ള രുദ്രാക്ഷം ധരിച്ചാല്‍-  സംസാരദുഖങ്ങളില്‍ നിന്ന് മോചനം, മാനസികമായി ദൃഡത, ബ്രഹ്മചര്യ പാപം നശിക്കും. സുര്‍ഭഗാ പീഡനങ്ങള്‍ കുറയും.

2.          രണ്ടുമുഖമുള്ള രുദ്രാക്ഷം ധരിച്ചാല്‍- ഗൃഹസ്ഥ ജീവിതം സുഗമമാകും, ചന്ദ്രദശാകാലത്ത് ഗുണങ്ങള്‍ കിട്ടും

3.          മൂന്ന് മുഖമുള്ള രുദ്രാക്ഷം ധരിച്ചാല്‍- അഭീഷ്ടസിദ്ധി, അഗ്നിഭയം അകലുന്നു, സ്ത്രീഹത്യപാപം ഇല്ലാതാകും, ചൊവ്വദശാദോഷം ഇല്ലാതാകും.

4.          നാലു മുഖമുള്ള രുദ്രാക്ഷം ധരിച്ചാല്‍-  .ബുദ്ധിശക്തി വര്‍ദ്ധിക്കുന്നു. ചിത്തഭ്രമം അകലും. നരഹത്യാപാപത്തെ ഇല്ലാതാക്കും. ബുധദശാകാലത്ത് ഗുണങ്ങള്‍ തരും.

5.       അഞ്ചുമുഖമുള്ള രുദ്രാക്ഷം ധരിച്ചാല്‍- മുക്തിദായകം, നെഞ്ച്സംബന്ധമായ വേദനകള്‍ക്ക് ആശ്വാസം, വ്യാഴാദശാകാലത്ത് ഗുണങ്ങള്‍ ലഭിക്കും.

6.       ആറുമുഖമുള്ള രുദ്രാക്ഷം ധരിച്ചാല്‍-  ഓര്‍മ്മശക്തി വര്‍ദ്ധിക്കും, പാപമുക്തി ഭവിക്കും, ശുക്രദശാ കാലം കഷ്ടതകള്‍ മാറ്റിതരും.

7.       ഏഴുമുഖമുള്ള രുദ്രാക്ഷം ധരിച്ചാല്‍- സര്‍പ്പഭയം ഇല്ലാതാക്കും, ദീര്‍ഘായുസ്സ് നല്‍കും. ശനിദശാകാലം കഷ്ട്ടതകള്‍ മാറ്റിതരും.

8.       എട്ട്മുഖമുള്ള രുദ്രാക്ഷം ധരിച്ചാല്‍- വിഘ്നങ്ങള്‍ തീരും, സമ്പത്ത് വര്‍ധിക്കും. രാഹുദശാകാലം സുഖകരമാക്കും.

9.       ഒമ്പത്മുഖമുള്ള രുദ്രാക്ഷം ധരിച്ചാല്‍- സന്താനലബ്ധി, നവഗ്രഹദോഷങ്ങള്‍ അകലും, രക്തസംബന്ധമായ രോഗങ്ങള്‍ മാറും. കേതു ദശാകാലം അരിഷ്ടതകള്‍ മാറ്റി സുഖകരമാക്കും.

10.    പത്തുമുഖമുള്ള രുദ്രാക്ഷം ധരിച്ചാല്‍- മാനസിക സംഘര്‍ഷം കുറയും, നീര്‍ദോഷം, ശ്വാസസംബന്ധമായ രോഗങ്ങള്‍ ഇവയ്ക്ക് പരിഹാരമാകും.

11.    പതിനൊന്ന് മുഖമുള്ള രുദ്രാക്ഷം ധരിച്ചാല്‍- യജ്ഞം ചെയ്താലുള്ള ഗുണം, പകര്‍ച്ചവ്യാധികള്‍ മാറും.

12.    പന്ത്രണ്ട് മുഖമുള്ള രുദ്രാക്ഷം ധരിച്ചാല്‍- തേജസ്സ് വര്‍ധിക്കുന്നു. നേത്രരോഗങ്ങള്‍ മാറും.

13.    പതിമൂന്ന് മുഖമുള്ള രുദ്രാക്ഷം ധരിച്ചാല്‍- ആത്മശാന്തി അനുഭവപ്പെടും.

14.    പതിനാല് മുഖമുള്ള രുദ്രാക്ഷം ധരിച്ചാല്‍- രോഗങ്ങളില്‍ നിന്ന് മുക്തി, ശരീരബലം വര്‍ധിക്കും എന്നീ ഗുണങ്ങളാണ് കിട്ടുക.

മേല്‍പ്പറഞ്ഞ രുദ്രാക്ഷ ധാരണത്തിലെ ശരിയായ ഫലങ്ങള്‍ ലഭിക്കണമെങ്കില്‍ രുദ്രാക്ഷം നല്ല ഗുണനിലവാരം പുലര്‍ത്തുന്നവയായിരിക്കണം. അത്തരം രുദ്രാക്ഷങ്ങള്‍ ഇക്കാലത്ത് എവിടെ കിട്ടും എന്നുള്ള കാര്യം ഒരു വലിയ ചോദ്യമായി അവശേഷിക്കുന്നു. കാരണം ഉത്തരാഖണഡില്‍ എല്ലാവരും രുദ്രാക്ഷങ്ങള്‍ തോട്ടങ്ങളില്‍ ഉല്പാദിക്കുന്നുണ്ട് എന്നാണ് പറഞ്ഞുകേള്‍ക്കുന്നത്. അതോ ഇനി അതിനുവേണ്ടി ഫാക്ടറികളും തുടങ്ങിയോ എന്നറിയില്ല.

                   

 

ഇങ്ങിനെ ജീവിതത്തില്‍ ദൈനം ദിന പ്രശ്നങ്ങളില്‍ നിന്ന് പരിഹാരം നേടാന്‍ ഹിന്ദുക്കള്‍ ആയ നമ്മള്‍(ഇപ്പോള്‍ മറ്റു മതസ്ഥരും) ദേവ പ്രീതി നേടാന്‍ ഇത്തരം വഴിപാടുകള്‍ നടത്തുന്നത് ഫലപ്രദമാണെന്ന് വിശ്വസിച്ചു വരുന്നു.

 

 

രവീന്ദ്രന്‍ നായര്‍-ജ്യോതിഷ് അലങ്കാര്‍.ഡല്‍ഹി-919871690151.